SCI:STAGE -
Vísindin á svið

Verið innilega velkomin á leiksviðið! Hér finnur þú leiðbeiningar og upplýsingar um hvernig hægt er að sviðsetja áhugaverða og grípandi vísindasýningu og hvernig megi njóta mismunandi vísindasýninga í ólíkum útfærslum.

SciWalk "Vatn"

Vísindaganga (e.SciWalk) er ný útfærsla á vísindasýningu sem byggir á samþættingu sviðslista, vísinda, tilrauna, frásagnalista og hreyfingar. Þetta er í raun hljóðganga þar sem þú upplifir vísindin í gegnum frásagnir frá mismunandi sjónarhornum, auk þess að framkvæma litlar tilraunir á meðan þú nýtur ferðalagsins.

„Vatn“ er hljóðganga í þremur þáttum þar sem þemað vatn er skoðað útfrá sjónarhorni þriggja persóna; veðurfræðings, fisks og vatnsins sjálfs. Vatnið býður fisknum og veðurfræðingnum að taka þátt í lífi þess og skoðuð eru viðfangsefni sem eru vatninu mikilvæg. 

Hljóðgangan tekur 15-20 mínútur og hentar krökkum á aldrinum 7-11 ára (þó aðrir geti að sjálfsögðu notið hennar líka). Hljóðgangan er hönnuð með útivist í huga. Til að framkvæma tilraunirnar takið með ykkur í gönguna gegnsæja hálfs lítra vatnsflösku, 1/3 fyllta af vatni. Gott getur verið að nota hljóðeinangrandi (e. noise cancelling) heyrnartól, til að útloka umhverfishljóð. 

Við mælum með því að þið gefið ykkur góðan tíma eftir gönguna til að ræða þau viðfangsefni sem tekin eru fyrir og þær spurningar sem gætu vaknað á meðan á göngunni stendur. (Hugmyndir að spurningum til umhugsunar eru hér neðst á vefsíðunni).  

Áður en haldið er af stað:

  • Sýndu hlustandanum svæðið sem hann á að ganga um á meðan hann hlustar.
  • Þú getur hlaðið niður hljóðskránum í símann eða hlustað á þær hér á vefsíðunni.
  • Notaðu góð heyrnartól.
  • Ýttu á „spila“ (e.play) takkann og njóttu!
  • Hlustendur geta „gengið með” öllum þremur persónunum eða valið sér eina til tvær persónur til að hlusta á.

Vatnið

Vatnið er ævafornt efnasamband sem hefur þann eiginleika að geta breytt um ástand eða form. Það flæðir frjálslega í tíma og rúmi. Vatnið fer með hlustandann í ferðalag sem leiðir hann í gegnum hringrás og endar svo aftur á upphafsreit. Vatn bindur. Vatn tengir. Vatn er líf.

Veðurfræðingurinn

Veðurfræðingurinn fylgist með veðrinu. Hún hefur sérstakan áhuga á skýjunum og öllu því sem gerist skýjum ofar. Veðurfræðingurinn fer með þig í ferðlag alla leið upp á hæsta tind lítillar eyju til að kanna þar mikilvæg málefni.

Fiskurinn

Fiskurinn býr undir stóru skemmtiferðaskipi og ferðast milli hafna heimsins. Hann ferðast með hlustandann inn í heim fullan af hátíðahöldum, glans og glamúr. En undir glitrandi yfirborðinu flæða dökkir straumar.

Leikskáld: Marite H. Butkaite / Lennart Peep
Leikstjóri: Lennart Peep
Leikarar: Eliis Uudeküll (EST, ENG), Hilde V. Östensson (SWE, NOR), Hafdis Hafdís Helga Helgadóttir (ISL)
Hljóð- og tónlistarhönnun, tæknileg útfærsla: Karl Petti

Hugmyndir að spurningum fyrir hópumræður:

VEÐURFRÆÐINGURINN

  • Afhverju eru veðurspár nauðsynlegar? Hvernig förum við að því að spá fyrir um veðrið?
  • Afhverju get ég ekki sest á skýin?
  • Hvað er hægt að gera ef maður verður ofsalega reiður? Eða ef maður er í vondu skapi?

FISKURINN

  • Hvað var að veröldinni sem fiskurinn bjó í?
  • Hvað varð um fiskinn þegar skemmtiferðaskipið sem hann bjó undir sigldi burt? Hvað hefði getað komið fyrir hann?
  • Hvað gleður þig? Öðlast þú meiri hamingju við að eignast fleiri hluti?

VATN

  • Vatn er til í mismunandi ástandi eða efnafasa. Hverjir eru þessir fasar? Hver er þinn uppáhalds og afhverju?
  • Hvaða merkir setningin „vatn er líf” fyrir þig?
  • Hver er hringrás vatns í heiminum?